జయ్ న్యూస్, ఆర్మూర్: ఆర్మూర్‌లోని గాంధీ నగర్‌లోని ఆక్స్ఫర్డ్ స్కూల్‌లో గురువారం ఫ్రెషర్స్ డే వేడుకలు ఎంతో ఉత్సాహంగా, ఆనందంగా నిర్వహించారు. విద్యా సంవత్సరంలోకి అడుగుపెట్టిన కొత్త విద్యార్థులను స్వాగతించారు. పాఠశాల కరస్పాండెంట్ మానస గణేష్ ఈ కార్యక్రమానికి ముఖ్య అతిథిగా హాజరై ప్రసంగించారు. తన ప్రసంగంలో, పాఠశాల సంస్కృతి మరియు క్రమశిక్షణను కాపాడుకోవడం యొక్క ప్రాముఖ్యతను ఆయన వివరించారు.
ఆయన నూతన విద్యార్థులను హృదయపూర్వకంగా స్వాగతించారు. క్రమశిక్షణతోనే విద్య అలవడుతుందని ప్రతి విద్యార్థి క్రమశిక్షణ నేర్చుకొని తాము గొప్ప పేరు తెచ్చుకోవాలని కన్న తల్లిదండ్రులకు విద్యనభ్యసించిన పాఠశాలకు గొప్ప పేరు తీసుకురావాలని విద్యార్థులకు సూచించారు. పాఠశాలలోని ప్రస్తుత విద్యార్థులు కొత్తవారిని స్వాగతించడానికి స్ఫూర్తిదాయకమైన ప్రసంగాలు చేశారు, నూతన విద్యార్థులు తమ సొంత మాటల ద్వారా ఉత్సాహాన్ని మరియు కృతజ్ఞతను వ్యక్తం చేశారు. ఈ కార్యక్రమంలో కొత్త మరియు పాత విద్యార్థులు శాస్త్రీయ, దేశభక్తి మరియు జానపద పాటలపై నృత్య ప్రదర్శనలు ఇచ్చారు. ఈ కార్యక్రమంలో పాఠశాల నిర్వాహకురాలు పద్మ, ఉపాధ్యాయులు మరియు విద్యార్థులు పాల్గొన్నారు.
About The Author
