జయ్ న్యూస్, ఆర్మూర్:
*టియుడబ్ల్యూజే జిల్లా పక్షాన ఆర్మూర్ సబ్ కలెక్టర్ కు స్వాగతం.. ఆర్డీవో కు వీడ్కోలు..*
*– టియుడబ్ల్యూజే జిల్లా ఉపాధ్యక్షులు పొన్నాల చంద్రశేఖర్.*
ఆర్మూర్ పట్టణంలోని మండల ప్రజా పరిషత్ కార్యాలయంలో రెవెన్యూ సిబ్బందితో నూతనంగా బాధ్యతలు చేపట్టిన సబ్ కలెక్టర్ అభిగ్యాన్ మాళవీయ ను టియుడబ్ల్యూజే, ఐజేయు జిల్లా ఉపాధ్యక్షులు పొన్నాల చంద్రశేఖర్ తో పాటు “జన ప్రజావాణి” తెలుగు దిన పత్రిక పాత్రికేయులు బొడమీది నరేష్, గట్టడి పవన్ మరియు వారి బృందం మర్యాదపూర్వకంగా కలిసి పూలమాలలు వేసి శాలువాతో ఘనంగా సన్మానించి స్వాగతం పలికారు.
అంతకుముందు ఆర్డిఓ గా విధులు నిర్వహించిన రాజా గౌడ్ కు పూలమాలలు వేసి శాలువాతో సన్మానించి వీడ్కోలు జరిపారు.
ఈ సందర్భంగా జిల్లా టియుడబ్ల్యూజే,ఐజేయు ఉపాధ్యక్షులు పొన్నాల చంద్రశేఖర్ మాట్లాడుతూ.. గతంలో ఆర్డీవో రాజగౌడ్ విధులు అభినందనీయమని పేర్కొన్నారు.
అలాగే నేడు ఆర్మూర్ సబ్ కలెక్టర్ గా బాధ్యతలు స్వీకరించిన అభిగ్యాన్ మాళవీయ కు జర్నలిస్టుల సమస్యల గురించి వివరించారు. ఈ కార్యక్రమంలో ఆర్మూర్ వర్కింగ్ జర్నలిస్ట్ అసోసియేషన్ జన ప్రజావాణి జర్నలిస్టుల బృందం వారితో పాల్గొన్నారు.
About The Author
