జయ్ న్యూస్, ఆర్మూర్:
“నలంద”లో ఘనంగా బాలల దినోత్సవం.
– ఆటపాటలతో అలరించిన విద్యార్థులు.
– బాలల దినోత్సవం విశిష్టతను వివరించిన పాఠశాల యాజమాన్యం ప్రసాద్, సాగర్.
ఆర్మూర్: పట్టణంలోని మామిడిపల్లిలో గల నలంద పాఠశాలలో బాలల దినోత్సవ వేడుకలు గురువారం ఘనంగా నిర్వహించారు. కార్యక్రమంలో భాగంగా పాఠశాల విద్యార్థులకు వ్యాసరచన మరియు చిత్రలేఖన పోటీలను నిర్వహించారు. గెలుపొందిన విద్యార్థిని, విద్యార్థులకు పాఠశాల కరస్పాండెంట్ ప్రసాద్, ప్రిన్సిపాల్ సాగర్ బహుమతులను ప్రధానం చేశారు. పాఠశాల కరస్పాండెంట్ ప్రసాద్ బాలల దినోత్సవం విశిష్టతను వివరిస్తూ మాట్లాడారు. చాచా నెహ్రూ గురించి విద్యార్థులకు వివరంగా తెలియజెప్పారు. విద్యార్థులకు నైతిక విలువలతో పాటు ఆధ్యాత్మిక విలువలను ఎలా పెంపొందించు కోవాలో వివరించారు. అనంతరం విద్యార్థులు తమ ఆటపాటలతో అందరినీ ఆకట్టుకున్నారు. పాఠశాల ఉపాధ్యాయ బృందము పిల్లలందరికీ బాలల దినోత్సవ శుభాకాంక్షలు తెలిపారు. ఈ కార్యక్రమంలో పాఠశాల సిబ్బంది, విద్యార్థులు పాల్గొన్నారు.
About The Author
